पवित्र प्रणालीमार्फत शिक्षण सेवक/शिक्षक पदभरती (टेट २०२२ दुसरा टप्पा) मेरीट लिस्ट

Posted atमे २१, २०२५

पवित्र प्रणालीमार्फत शिक्षण सेवक/शिक्षक पदभरती (टेट २०२२ दुसरा टप्पा)

महाराष्ट्र राज्यातील सर्व स्थानिक स्वराज्य संस्थाच्या व खाजगी व्यवस्थापनांच्या शाळांमध्ये पवित्र पोर्टल या संगणकीय प्रणालीद्वारे शिक्षण सेवक/शिक्षक पदभरतीसाठी "शिक्षक अभियोग्यता व बुद्धिमत्ता चाचणी-२०२२" चे ऑनलाईन पद्धतीने आयोजन करण्यात आले होते.
सदर ऑनलाईन चाचणी दिनांक २२ फेब्रुवारी ते ३ मार्च २०२३ या कालावधीमध्ये घेण्यात आली. या चाचणीसाठी एकूण २,३९,७३० उमेदवारांनी नोंदणी केली होती, त्यापैकी २,१६,४४३ उमेदवार चाचणीस प्रविष्ट झाले.
"शिक्षक अभियोग्यता व बुद्धिमत्ता चाचणी-२०२२" मधील प्राप्त गुणांच्या आधारे राज्यातील सर्व स्थानिक स्वराज्य संस्था व खाजगी व्यवस्थापनाच्या शाळांतील इयता १ ली ते १२ वी व अध्यापक विद्यालयातील शिक्षण सेवक/शिक्षक या रिक्त पदांच्या भरतीचा प्रथम टप्पा पूर्ण करण्यात आला आहे. सदर टप्यांतर्गत दिनांक २५/०२/२०२४, दिनांक २५/०६/२०२४, दिनांक ३०/०७/२०२४ व दिनांक ०७/०८/२०२४ रोजी प्रसिद्ध करण्यात आली आहे. मुलाखतीसह व मुलाखतीशिवाय या प्रकारात यापूर्वी प्रथम टप्प्यात २१,६७८ जाहिरातींच्या पदभरतीबाबतची कार्यवाही पूर्ण झाली आहे.
शासन पत्र दि. १०/०९/२०२४ नुसार शिक्षक अभियोग्यता व बुद्धिमत्ता चाचणी-२०२२ - दुसऱ्या टप्प्यांतर्गत आता शिक्षक निवडीची कार्यवाही करण्यात येत आहे.
आता दुसऱ्या टप्प्यात पवित्र पोर्टलवर स्थानिक स्वराज्य संस्थांकडून व मुलाखतीशिवाय उमेदवार निवडीचा पर्याय निवडलेल्या खाजगी व्यवस्थापनांकडून शिक्षकांच्या रिक्त पदांच्या जाहिराती प्रसिद्ध करण्यात आल्या आहेत. यात १८ जिल्हा परिषदांच्या ४६८, १३ मनपाच्या-३६२, ५७ नगर पालिका/परिषदाच्या-२२१ व २५ खाजगी शैक्षणिक संस्थांच्या ५३७ अशा एकूण १५८८ रिक्त पदांच्या भरतीची मागणी नोंदविण्यात आली आहे.
तसेच मुलाखतीसह निवडीचा पर्याय निवडलेल्या व्यवस्थापनांमध्ये ८,७३३ रिक्त पदांच्या भरतीची मागणी नोंदविण्यात आली आहे.
पवित्र पोर्टलवर जाहिरातीतील रिक्त पदांचा व शिफारस झालेल्या पदांचा तपशील पुढील प्रमाणे :
१) आरक्षणनिहाय रिक्त पदे अनुसूचित जाती-१८२, अनुसूचित जमाती-१३१, विमुक्त जाती (अ)-४६, भटक्या जमाती (ब)-२७, भटक्या जमाती (क)-४५, भटक्या जमाती (ड)-३१, विशेष मागास प्रवर्ग-२२, इतर मागास प्रवर्ग-२१७, आर्थिकदृष्ट्या दुर्बल घटक -१३७, सामाजिक व शैक्षणिक मागास प्रवर्ग-१८९, खुला-५५९ याप्रमाणे एकूण १५८६ पदे आहेत.
२) आरक्षणनिहाय शिफारस झालेले उमेदवार अनुसूचित जाती-१३५, अनुसूचित जमाती-६४, विमुक्त जाती (अ)-३७, भटक्या जमाती (ब)-२६, भटक्या जमाती (क)-२२, भटक्या जमाती (ड)-१४, विशेष मागास प्रवर्ग-०६, इतर मागास प्रवर्ग-१६८, आर्थिकदृष्ट्या दुर्बल घटक १०७, सामाजिक व शैक्षणिक मागास प्रवर्ग-१३३, खुला-४०२ याप्रमाणे एकूण १११४ आहेत.
३) गट निहाय रिक्त पदे: इ. १ ते ५ वी ८९२, इ. ६ ते ८ वी-३२२, इ. ९ ते १० वी-२२०, इ. ११ ते १२ वी-१५४ याप्रमाणे १५८८ आहेत.
४) गटनिहाय शिफारस झालेले उमेदवार: इ. १ ते ५ वी ५५४, इ. ६ ते ८ वी-२१०, इ.९ ते १० वी-२१६, इ. ११ ते १२ वी १३४ याप्रमाणे १११४ आहेत.
५) माध्यमनिहाय रिक्त पदे मराठी-१२५१, उर्दू-२५८, हिन्दी-५३, तामिळ २, बंगाली-२३. तेलुगू-१ याप्रमाणे एकूण १५८८ आहेत.
६) माध्यमनिहाय शिफारस झालेले उमेदवार मराठी-९६३, उर्दू-१००, हिन्दी-३५, बंगाली-१६ याप्रमाणे एकूण १११४ आहेत.
उमेदवारांना दिनांक ११/०३/२०२५ ते २१/०३/२०२५ व दिनांक १०/०४/२०२५ ते १४/०४/२०२५ या कालावधीमध्ये स्वप्रमाणपत्र पूर्ण करणे / दुरुस्त करणे याबाबतची सुविधा देण्यात आली होती.
उमेदवारांना दिनांक २५/०४/२०२५ ते २/०५/२०२५ व दिनांक ०६/०५/२०२५ ते ०८/०५/२०२५ या कालावधीमध्ये प्राधान्यक्रम जनरेट करून लॉक करण्याची सुविधा देण्यात आली होती.
दिनांक २१/०५/२०२५ रोजी स्थानिक स्वराज्य संस्था व मुलाखतीशिवाय उमेदवार निवडीचा पर्याय निवडलेल्या खाजगी व्यवस्थापनांच्या शिक्षकांच्या पदभरतीची सर्वसाधारण गुणवत्तायादी प्रसिद्ध करण्यात येत आहे. यानंतर मुलाखतीसह उमेदवार निवडीचा पर्याय निवडलेल्या खाजगी व्यवस्थापनांच्या शिक्षकांच्या मुलाखतीसाठीची कार्यवाही प्रसिद्ध करण्यात येईल.
पदभरतीबाबत उमेदवारांना याद्वारे आवाहन करण्यात येते की पवित्र पोर्टलवरील पदभरतीशी संबंधित आपले म्हणणे/मागणी इत्यादी बाबी edupavitra२०२२@gmail.com या ईमेलवर पाठवाव्यात, जेणेकरून त्याची योग्य ती दखल घेतली जाईल.